كدب البنات فى المدرسة

شوفوا البنات شيسون بالمدارس و ردودهم على المدرسات و المديرة

-----------------------------
ليش حاطه كحله ؟
ست بارحة عندي عرس نسيت امسحهأذا مافادت تستخدم الجذبة الثانيه
ست مسحته الصبح بس ما انمسح كلة ( شنو لازكتها بسكوتين هههه )

ست عيوني مكحله خلقه من الله ( الله يخليج لأهلج هي مال دروب ههه )
-------------------------
ليش حاطه مسكره ؟
ست رموشي هم اني حطيت ماسكاره من بارحة ويوم جيت اريد أمسحها ماراحت ثبتت برموشي ورحت للدكتوره وكالت بعدين تروح وليهسة ماراحت ( بعد شوية سكف الصف يوكع من الفيالة الكامت تشامر هههه )
---------------------------
ليش لابسة شحاطة ؟
ست أخوي الصغير ضام حذائي و ميقبل يطلعه ( شنو بس هل الحذاء بل بيت عدكم )
(( إذا مامشت السالفه علىمدرسة تكولها سالفه ثانيه))
ست تذكرت مورجلية بيها بسمار وميصير البس حذاء لان توجعني ( أي هاي جذبة مرتبه هه )
---------------------------
ليش حاطه حمرة؟
ست مو شفايفي مفطرات ورحت للدكتورة وكالت لازم تخلين حمرة ( قويه وربي شنو الدكتورة فاتحة عيادة لو صالون !! ههه )
--------------------------
ليش فالة شعرج ؟
ست والله حطيت قراصة وما ادري وينها أو تكول ست قراصتي أنكسرت ومالكيت قراصة ثانيه .. ( متريد تكول لمدرسة اليوم صاحبي من صبح شافني )
------------ --------------
ليش مطولة اضافرج ؟
ست أضافري نموها سريع اقرضها اليوم تطول باجر شنو أسوي (شنو شخالتلهن سمااد خوما سماد ...هع هع )
----------------------
ليش نايمة بل درس ؟
ست والله بارحة طبولنه الحرس وللصبح وماكدرت انام مانمت ( أي كلة صوج الخدمة مال موبايل ورة 12 بـ 9 دينار ههههه ) او ست راسي يوجعني وتعبانه مريضة أو ست بارحة جانت عدنة عزيمه وضلو لليل يلا راحو المعازيم بين مانضفت البيت و غلست لماعين صارت ب 4 الصبح مالحكت انام ( متكوليلي شعازمين الشعب العراقي كولة حتى ضلين لل 4 الصبح تغسلين ماعين هم لو الشعب كولة مطولين ب ربع ساعة )
-----------------------------
ليش تسولفين ويا لي بصفج بل درس ؟
لا ست والله كاعد اسئلها على درس ( متريد تكول هية كاعد تسولف وياها اصار بالمسلسل التركي ههههه ) -----------------------------
وين الواجب ليش ماحلتة ؟
سته البارحة نسيت جنتي بالمدرسه ( قابل تكول نسيت اقرة و ألتهيت بالتلفون وية صاحبي هههه